Kandidatja për kryetare të Partisë Demokratike, Edith Harxhi ka qenë e ftuar në emisionin “Open“, ku ndër të tjera ka folur edhe për përgjegjësinë e ish-kryeministrit Berisha për gjendjen aktuale të PD. Ajo tha se Berisha duhet të bënte më shumë për të nxitur kryetarin Basha, apo për t’i kërkuar dorëheqjen. Harxhi deklaroi se Basha është mbështetur nga Berisha, edhe pse ky i fundit është munduar që të mos angazhohet në mënyrë të drejtëpërdrejtë . Ndër të tjera, ajo bëri me dije se është një nga njerëzit që i kanë kërkuar Berishës të ndikojë në dorëheqjen e Bashës, jo tani, por kohë më parë .
“Nuk ka një ndarje të qëndrimit tim të asaj që kërkoj të bej dhe qëndrimit tim sa i përket çështjes aktuale të sekretarit të shtetit disa ditë më parë. Berisha ka një përgjegjësi për gjendjen aktuale të PD, nëse i japim këto atribute ai është po aq përgjegjës se ka qenë, jo vetëm do të duhej të bënte më shumë për të nxitur kryetaritnapo për t’i kërkuar dorëheqjen kryetarit të PD-së. Basha është mbështetur nga zoti Berisha, edhe pse Berisha është munduar të mos angazhohet në mënyrë të drejtpërdrejtë por është kuptuar. Jam një nga njerëzit që i kam kërkuar për dorëheqjen e Bashës”, tha Harxhi.
