Teksa të gjithë shpresonin se vera dhe temperaturat e larta do zhduknin Covid-19, sikundër rezultoi me SARS-in, OBSH dhe studimet e shumta treguan se diçka e tillë fatkqësisht nuk është e vërtetë dhe nuk ka asnjë bazë shkrencore për ta vërtetuar këtë.
Mirëpo, mjekët kanë deklaruar se ndonëse virusi nuk do zhduket, temperaturat në verë ulin transmetueshmërinë e tij.
Por, së fundmi, epidemiologu Taulant Muka ka çuditur me postimin e tij në ‘Facebook’, ku shprehet se disa shtetet si India, Arabia Saudite, Katari, Meksika, Indonezia dhe Kuvajti me temperatura mbi 30 gradë, në këto momente kanë një rritje të rasteve Covid.
Gjithashtu, Muka i bën thirrje qeverisë të forcojë kapacitetet diagnostikuese dhe testuese, pasi duhet të evitohet një mbyllje e vendit gjatë verës.
‘Bangladeshi, India, Arabia Saudite, Katari, Meksika, Indonezia, Kuvajti- te gjitha shtete me temperatura mbi 30 grade, por qe ne momentin qe po flasim kane nje rritje te rasteve Covid. Ju lutem qytetareve respektoni rregullat e distancimit fizik, higjenen dhe evitoni grumbullimet! Shteti te bej detyren e vete dhe te forcoje kapacitetet diagnostikuese dhe testuese, si dhe te pajis personelin mjekesor me masat mbrojtese! Duhet te evitojme nje mbyllje te vendit, e per me teper gjate veres’, shkruan Muka.
https://www.facebook.com/822964028094910/posts/1279022592489049/
Kujtojmë se gjatë 24 orëve të fundit janë identifikuar 23 raste të reja, duke e çuar në1122 numrin total të të prekurve.
Prej tyre, 857 janë shëruar, kurse 33 persona fatkeqësisht kanë humbur jetën.
Po ashtu, sipas njoftimit të Ministrisë së Shëndetësisë gjendja te Infektivi është përkeqësuar pasi në spitalin Covid 1 po trajtohen 26 pacientë, nga të cilët 4 janë në terapi intensive dhe 1 pacient është i intubuar në gjendje të rëndë.
