OBSH jep lajmin e keq: “Coronavirusi nuk do zhduket në verë, si gripi sezonal”

Google+ Pinterest LinkedIn Tumblr +

Situata nga Coronavirusi po bëhet gjithnjë e më shumë serioze, teksa janë regjistruar 101,728 njerëz të infektuar dhe 3, 461 persona kanë vdekur në gjithë botën.

Ndërsa personat e shëruar nga Covid -19 janë më shumë se gjysma: 55671.

Fillimisht, u tha se me përmirësimin e motit dhe me ngrohjen e temperaturave Coronavirusi do fillonte të ulte shkallën e përhapjes në fillim të pranverës dhe deri në fund të vjeshtës do ishte zhdukur plotësisht.

Mirëpo, së fundmi Organizata Botërore e Shëndetit ka njoftuar se kjo hipotezë fatkeqësisht nuk është e vërtetueshme dhe se momentalisht nuk ka asnjë shenjë se virusi do zhduket si një grip normal.

Duhet të themi se virusi do vijojë të përhapet dhe nuk do zhduket në verë, si gripi sezonal. Është një shpresë e kotë të themi ‘po, kjo do të ndodh’ sepse momentalisht nuk kemi asnjë shenjë që të na e vërtetojë këtë gjë. “- ka deklaruar Mike Ryan, drejtori ekzekutiv i Programit të Emergjencës së OBSH.

Ndërkohë, Shtetet e Bashkuara të Amerikës po bëjnë përpjekje të shumta kundër Coronavirusit, teksa presidenti amerikan Donald Trump ka autorizuar 8.3 miliardë dollarë në shpenzime urgjente për të luftuar shpërthimin e COVID-19.

Nga ana tjetër, virusi vazhdon të përhapet në të gjithë globin, ndërsa Italia ka pësuar një goditje të madhe, ku deri tani ka shkuar në 197 numri i viktimave, ndërkohë janë 3916 persona të infektuar dhe 523 të tjerë janë shëruar shëruar.

Po ashtu, ka dyshime se virusi mund të ketë mbërritur edhe në vendin tonë, pasi një grua, 50-vjeçare është shtruar në QSUT, sepse ka shfaqur të gjitha simptomat e COVID-19.

Dyshohet se është prekur nga Coronavirus: Një person izolohet në QSUT, sapo ishte kthyer nga Italia

Shpërndaje
Share.

Komento