Pas përfundimit të ndeshjeve të raundit të parë të kualifikimeve për Kampionatin Europian U-17, Kombëtarja e Shqipërisë do të zhvillojë dy ndeshje miqësore ndaj Polonisë në nëntor.
Grumbullimi zyrtar i ekipit do të nisë të hënën, dhe trajneri Andrea Tedesco ka publikuar listën e 23 lojtarëve të ftuar. Gjashtë nga lojtarët vijnë nga kampionati shqiptar, ndërsa pjesa tjetër luajnë për klube të huaja si Juventus, Olympiacos, Torino, RW Essen, Utsiktens, Genoa, Paok, Stuttgart, Inter, SV Heimstetten, Sassuolo dhe U.E Sant Andreu.
Dy ndeshjet miqësore do të luhen në Tiranë, në “Shtëpinë e Futbollit”, më 15 dhe 18 nëntor. Ndeshja e parë do të luhet më 15 nëntor në ora 14:00, ndërsa takimi i dytë do të zhvillohet më 18 nëntor në orën 10:00.
