Majlinda Bregu , ish-deputetja demokrate, ka marrë zyrtarisht detyrën e Sekretares së Përgjithshme të Këshillit të Bashkëpunimit Rajonal.
Bregu ka ndarë përshëndetjen e saj përmes një postimi në faqen zyrtare në Facebook ku shprehet se kjo do jetë një sfidë për të pasi nuk do të jetë e lehtë, do të jetë një sfidë mes situatash të vështira ekonomike, shoqërore dhe politike. Ajo shprehet se është e bindur se ritmi i zhvillimit rajonal do të ndikojë në ritmin e integrimit tonë europian dhe që për të është një privilegj shumë i madh që do të drejtoj KBR.
Bregu thotë se shpreson se do ta përballoj faqebardhë së bashku me përkushtimin e stafit të të Këshillit të Bashkëpunimit Rajonal.
“Përtej dallimeve dhe kufijve gjeografikë, kemi një interes të përbashkët!
Jean Monnet ishte i bindur se ‘kombet europiane duhej të bashkohen për të mbijetuar’. E njëjta gjë vlen edhe për Ballkanin Perëndimor. Për të ruajtur peshën në një botë që po ndryshon shpejt, duhet të forcojmë marrëdhëniet tona. Bashkëpunimi është kryefjala. Jam e nderuar të marr detyrën e Sekretares së Përgjithshme të Këshillit të Bashkëpunimit Rajonal dhe krenare që në një zonë ku për vite sfida ka qenë mbajtja gjallë e konfliktit, Këshilli i Bashkëpunimit Rajonal ka ndihmuar për fuqizimin e një realiteti të ri: atë të angazhimit të përbashkët të të gjitha vendeve të BP për të ardhmën europiane të rajonit.
Këshilli i Bashkëpunimit Rajonal ka qenë i suksesshëm në gjenerimin e një mbështetjeje të konsiderueshme për reformat në Europën Jug-Lindore, dhe kështu do vijojë të jetë!
Për këtë arsye jam e bindur se së bashku, nën drejtimin politiktë SEECP dhe mbështetjen e BE, duke përfshirë median, shoqërinë civile, ne do të përpiqemi të bëjmë zgjedhje të mençura, që nxisin dialogun më të gjitha grupet në shoqëri.
Nuk do të jetë e lehtë, do të jetë një sfidë si të notosh mes situatash të vështira ekonomike, shoqërore dhe politike.
E ardhmja e rajonit lidhet ngushtësisht me ndërlidhjen.
Integrimi i ekonomive tona në një treg të vetëm,lidhja e njerëzve dhe bashkëjetësa e vlerave; investimi në kapitalin njerëzor dhe intelektual, -cdo reformë lidhet me interesin tonë të përbashkët politik,atë të sigurisë dhe dukshëm me atë ekonomik.
Nuk është rastësore që nevoja për Europë në rajon është kaq e fuqishme.
Jam e bindur që ritmi i zhvillimit rajonal do të ndikojë në ritmin e integrimit tonë europian, për mua është një privilegj shumë i madh që do të drejtoj KBR ( RCC),po aq sa është një sfidë të cilën bashkë me përkushtimin e stafit të të Këshillit të Bashkëpunimit Rajonal shpresoj ta përballoj faqebardhë!”
