Manastirliu shpërndan çeqet e bebes në materinitetin e Elbasanit: Fuqizuam shërbimin e neonatologjisë

Google+ Pinterest LinkedIn Tumblr +

Një deklaratë u bë nga ministrja Manastirliu gjate një inspektimi në maternitetin e Elbasanit, ku shpërndau çeqet e bebes për nënat e reja.

“Bonusi i bebes po shpërndahet në çdo maternitet në vend, në një sportel unik të gjendjes civile ku mund të regjistrohet menjëherë i porsalinduri.”- tha Manastirliu.
Procedura e re u jep mundësinë prindërve të kryejnë regjistrimin e fëmijës së porsalindur në maternitet në sportelin e gjendjes civile të hapura në 37 maternitete të vendit.

“Po investojmë për përmirësimin e infrastrukturës në maternitete në të gjitha spitalet rajonale, me fokus tek përmirësimi i kujdesit për nënën dhe fëmijën. Fuqizuam shërbimin e neonatologjisë me 29 inkubatorë te rinj dhe 8 eko obstetrike gjinekologjike. Ndërtuam Maternitetin e ri të Sarandës, I cili ofron sot standardin më të lartë të shërbimit në vend. Është drejt përfundimit Materniteti i ri i Korçës, i cili do të jetë gati brenda pak ditësh. Do të vijojnë investimet për rijetësimin e rrjetit të materniteteve në vend me maternitetin e Beratit, Gjirokastrës, Lezhës, Matit dhe Pogradecit”, tha ministrja.


Bonusi i bebes i jepet çdo familjeje. Pagesa për lindjen e fëmijës së parë është 40 mijë Lek.  Për fëmijën e dytë 80 mijë Lekë. Për fëmijën e tretë, të katërt e në vijim bonusi i bebes është 120 mijë Lekë për çdo fëmijë;
Për nënat që lindin binjakë masa e përftimit do të jetë në masën 80 000 për secilin fëmijë.
Për nënat që lindin trinjakë dhe më shumë, masa e përftimit do të jetë në masën 120 000 për secilin fëmijë.
Bonusi i bebes do merret i ndarë në dy pjesë ku nga çeku i pare do përfitohet 35 mijë lekë për fimijën e pare, 75 mijë lekë për të dytin dhe 115 lekë për të tretin. Ndërsa çeku i dytë me vlerë 5 mijë lekë do jepet pas regjistrimit të fëmijës në gjendjen civile.
Bonusi është universal, ndaj përfitohet nga të gjitha familjet, pavarësisht se ku vendos nëna që të sjellë në jetë fëmijën. Fëmijët që nuk lindin në spitale shtetërore do e marrin çekun pas regjistrimit të të porsalindurit në zyrat e gjendjes civile nga Ministria e Shëndetësisë dhe Mbrojtjes Sociale.

Shpërndaje
Share.

Komento