Një ngjarje e rëndë u raportua më 31 dhjetor të 2019 nga Australia, ku çifti Lindita dhe Veton Musai u vranë me armë nga Osman Shaptafaj, babai i Linditës.
Ky i fundit pas krimit tentoi të vriste dhe veten, por ndërhyrja në kohë e ekipit mjekësor bëri që ai të shpëtonte.
Së fundmi, mediat e huaja raportojnë se Osman Shaptafaj është shpallur i pafajshëm, për shkak se ka rezultuar me probleme mendore.
Ngjarja tragjike ka ndodhur në orën 10:30 të paradites, kur 55-vjeçari shkoi në banesën e dy të rinjve të cilët një natë më parë kishin festuar përvjetorin e tyre të parë të martesës duke i lënë të vdekur të dy.
Të afërmit dhe miqtë kanë treguar se Lindita dhe Veton Musai ishin martuar para një viti, madje aso kohe ata u shprehën se vrasja e tyre ishte hakmarrje ndaj nënës së 25-vjeçares.
Po kush ishte Veton Musui?
Veton Musai është djali i ish-kryetarit të Komunitetit Shqiptar në Australi, Alil Musai, i cili emigroi në Australi nga Maqedonia e Veriut në vitet 1980.
Lindita Musai ishte gjithashtu anëtare e komunitetit shqiptar të Melburnit, kurse babai i Veton Musait, Alili, ka qenë presidenti i Komunitetit Shqiptar të Melburnit i cili në vitin 2000 mbështeti refugjatët kosovarë që kishin ikur nga lufta e Serbisë, duke u mundësuar më pas atyre kthimin e tyre në shtëpi përmes ministrit të atëhershëm të imigracionit Philip Ruddock.
Kujtojmë se kjo është ngjarja e dytë e rëndë në një hark kohor prej 6 muajsh, ku një baba shqiptar vret vajzën e tij në Australi.
Më 24 korrik 2019, Petrit Lekaj vrau vajzën e tij, Sabrina sepse ajo kishte dalë me shoqet në një lokal nate.
Sabrina ishte vetëm 20-vjeç dhe është e gjetur e vrarë në makinën e saj, nga ku policisë i është dashur të thyejë xhamat e makinës për ta nxjerrë.
LEXO: Masakroi të bijën duke e goditur 8 herë me thikë, ja çfarë vendosi gjykata për Petrit Lekajn
