Më 28 maj, Policia e Tiranës sekustroi 400 mijë dollarë që rezultonin në emër të Aleksandër Gavoçit, kurse pritësi i parave të sekuestruara ishte Ilir Gavoçi, vëllai i Aleksandrit.
Të dy rezultuan emra të njohur për drejtësinë dhe publikun, teksa u zbardhën edhe lidhjet e tyre me persona të tjerë me precedentë penale.
Së fundmi, është zbardhur skema se si Ilir Gavoçin, pritësi i 400 mijë dollarëve, më 2017 i shpëtoi burgimit të përjetshëm kur akuzohej për vrasjen e 4 personave.
Gjykata ka dhënë dënimin e fundit për të në shkurt të 2017, ku në seancën gjyqësore që drejtohej nga gjyqtari Kreshnik Omari, ai u akuzua për veprën penale ”Vrasja në rrethana cilësuese” në dëm të 4 personave.
Por, Gjykata ndyshoi këtë akuzë dhe e dënoi Gavoçin për akuzën e “Vrasjes së kryer në kushtet e tronditjes së fortë psikike”, duke e shpëtuar atë nga burgimi i përjetshëm.
Si përfundim ai u dënua vetëm me 5 vite burgim dhe për të njëjtën akuzë është dënuar dhe bashkëpunëtori i Ilir Gavoçit, njëherësh ish-truproja i tij, Ilir Oruçi, i cili përfitoi nga gjykimi i shkurtuar dhe u dënua me 6 vite burg.
Gavoçi akuzohet se në në vitin 2005, së bashku me bodigardin e tij, Ismet Oruçi, vranë 4 persona në lokalin “Olalba” në Tiranë.
Viktimat e kësaj ngjarje të rëndë janë: Ali Beqja, 29 vjeç, Altin Djepaxhia, 34 vjeç, ish- oficer në Ministrinë e Brendshme, Alban Kruja, 35 vjeç dhe Elvis Berberi, 25 vjeç, të katërt nga Shkodra.
Sipas Dosja.al shkak i kësaj përplasje me armë u bë këngëtarja e lokalit, e cila këndonte për llogari të biznesit që ishte në emër të Ilir Gavoçit.
Gavoci ka qenë ai që provokoi sherrin pasi iu afrua shkodranëve dhe kërkoi që të mos bezdisin këngëtaren e tavernës, por viktimat vazhduan më tej.
Më pas Gavoçi dërgoi truprojën e tij, Ismet Oruçin që të “këshillonte” klientët, por këta të fundit sërish nuk e dëgjuan dhe filluan ta godisnin me grushte.
Ky ka qenë momenti që ndezi gjakrat në konfliktin që përfundoi me katër të vrarë.
Sakaq, emri i Gavoçit del edhe në dosje të Prokurorisë së Beratit, ku ka qenë i pandehur për akuzën e “Grabitjes me dhunë”.
Prokuroria pretendonte se kishte zbuluar Ilir Gavoçin në këtë grabitje, duke i sekuestruar një parfum “Shanel” dhe një gjurmë gishti në banesë.
Por, pak muaj më vonë ai u shpall i pafajshëm.
