Vrasja e gjyqtarit Skerdilajd Konomi në mes të Vlorës është ende një nga misteret më të mëdha të drejtësisë.
Për një kohë të gjatë si i dyshuar për ngjarjen ka qenë edhe Edison Harizaj, i cili u ekzekutua në 2018-ën në një atentat në Durrës.
Ditën e krimit L.C. njoftoi policinë, duke i thënë se ka parë dy persona që i vendosën tritolin në makinë gjyqtarit.
Edhe kreu i bandës së varsjeve me pagesë, Julian Sinanaj ka dhënë përshkrime të njëjta për autorin e krimit, ndërsa i ka orientuar drejt Genis Mëhillajt, por pa i përmendur emrin.
Dëshmia e L.C. u mor me rezerva pasi rezultoi me probleme mendore, ndërsa më pas ai humbi gjurmët për shkak të kërcënimeve me jetë.
Kërcënimin e fundit ai e ka marrë më 24 tetor 2011, ditën kur u ekzekutua nëndrejtori i Shërbimit Informativ, Isa Çopa, në zonën e Currilave.
Asokohe Çopa po hetonte vrasjen e Konomit dhe grabitjen e pronave në Gjirin e Lalzit.
Ndërkohë më 9 shtator të 2016-ës, 5 vite fiks pas vrasjes së Konomit, dhunohet barbarisht biznesmeni Faadi Mitri, i cili do të ndërtonte resortin në Gjirin e Lalzëit.
Ai u sulmua në kryqëzimin e Laknasit nga 3 persona, të cilët u larguan më pas me shpejtësi.
Shofer i makinës që ndoqi biznesmenin ishte Ervin Mata, i cili u përfshi në vrasjen në bllok 2 vite më parë.
Biznesmeni e cilësoi rrahjen një formë persioni për të ndërprerë investimin në Gjirin e Lalzit.
Ai gjithashtu i vuri në dispozicion Prokurorisë persona që i kishte parë në nje prej protestave kundër projektit të tij në 2014-ën.
Pas verifikimeve të policisë u zbula se bëhej fjalë për Landi Muharremin, të njohur ndryshe si “Rrumi”.
Ky i fundit njihet për sigurimin e hapësirave të mëdha të tokave, duke përdorur emra të tjerë.
“Rrumi” u shoqërua nga policia, ndërsa ngriti alibinë se atë ditë kishte qenë jashtë shtetit.
Më pas tha se kishte qenë në plazh rastësisht dhe ishte bashkuar me fshatarët.
Para prokurorëve ai deklaroi se nuk kishte pasur konflikt pronësie me biznesmenin e huaj.
Më 17 mars të 2017-ës, biznesmeni libanez u largua përfundimisht nga Shqipëria.
Ndërkohë në një dëshmi të dhënë para se të ikte, Mitri ka përmendur konfliktin se një kositës bari, Pal Seçunin.
Gjatë gjyqit për Pal Seçunin, disa fshatarë në Lalëz, dëshmuan se e njihnin për pretendimet që kishte për truallin.
Një ndër to ishte edhe Vezi Muharremi, i afërm i Rrumit.
Më 1 nëntor 2019, Rrumit i bëhet atentat teka udhëtonte nga Durrësi drejt Tiranës me prokurorin Arjan Ndoja dhe shoferin Anidi Maloku.
Brenda makinës u gjet edhe dosja e gjyqtarit Skerdilajd Konomi dhe e pronave në Lalëz.
Si autor i krimit u arresta Redjan Rraja, i afërm i deputetit socialist, Rrahman Rraja.
Interesante në këtë histori është fakti se gruaja e prokurorit të plagosur, Elderina Ndoja, ishte avokatja e shtetiasit Pal Seçuni, i cili kishte konfliktin me biznesmenin libanez.
Më 26 prill të 2013-ës, avokates i dhurojnë 192.211 metra katrorë tokë, të cilën ajo e dhuron më 8 maj.
Emrat e dhuruesit dhe përfituesit janë censuruar nga ILDKPI.
