Disa ditë më parë SHBA dha një lajm të mirë pasi rregullatorët shëndetësorë amerikanë aprovuan një test për Coronavirusin që do të shpejtojë me 10 herë aftësinë për të testuar pacientët, duke zgjidhur një pengesë serioze në përpjekjet për parandalimin e pandemisë.
Testi i është autorizuar edhe kompanisë zvicerjane Roche Holding dhe raportohet se mund të testojë 4,000 njerëz në ditë, që është i gatshëm edhe në Europë.
SHBA bën hapin e madh në parandalimin e përhapjes së Coronavirusit
Po ashtu, përpjekje janë bërë edhe për krijimin e vaksinës dhe rikujtojmë se në fund të shkurtit u raportua se një kompani farmaceutike ka gati vaksinën që pritet të testohet së shpejti.
Kompania amerikane gati vaksinën kundër Coronavirusit, por nuk del në treg para vitit 2021
Ditën e sotme SHBA ka nisur testimin e parë të vaksinës kundër Coronavirusit dhe një grup prej 45 vullnetarësh të shëndetshëm do të bëjnë injeksionin në Institutin Kërkimor “Kaiser Permanente”, në Seattle.
Sipas ekspertëve duhen shumë muaj për të ditur nëse kjo vaksinë, apo dhe të tjerat për të cilat po punohet, do të funksionojë.
Kompania e cila ka krijuar vaksinën, Moderna Therapeutics, thotë se vaksina është krijuar mbi bazën e një procesi të njohur e të testuar, që përdor teknologjinë para-ekzistuese.
“Kjo është një garë kundër virusit, dhe jo kundër njëri tjetrit; të gjithë po mundohemi për të mirën e njerëzimit. Vaksinat tipike për viruset, siç është fruthi, bëhen nga një virus i dobësuar, por mRNA-1273 nuk është bazuar te virusi që shkakton Covid-19. Në vend të kësaj, ajo përfshin një segment të shkurtër të kodit gjenetik të kopjuar nga koronavirusi që ekspertët kanë arritur ta sigurojnë në laborator. Shpresohet që në këtë mënyrë, do të ndihmohet sistemi imunitar i trupit që të luftojë infeksionin e vërtetë”.
Nuk dihet ende se kur do dalin rezultate por shpresojmë për një përgjigje sa më të shpejtë, teksa shkencëtarë të ndryshëm nga e gjithë bota po punojnë për vaksinën që do i jepte fund betejës me COVID-19.
Izraelitët një hap para, vaksina kundër Coronavirusit mund të jetë gati shumë shpejt
Në rang botëror deri tani janë shënuar 6,687 viktima dhe janë regjistruar 174,940 të infektuar në 162 shtete, ndërsa në vendin tonë deri tani ka humbur jetën 1 person dhe janë infektuar 51 të tjerë, teksa në Kosovë janë 15 persona të infektuar me COVID-19.
Autoritetet shëndetësore bëjnë thirrje që personat të cilët mund të kenë qenë të ekspozuar ndaj individëve të dyshuar për COVID-19, duhet që të vetëkarantinohen dhe të monitorojnë shëndetin e tyre për 14 ditë, që nga dita e fundit me kontaktin e mundshëm.
Po ashtu, ata duhet të kërkojnë mbikëqyrje të menjëhershme mjekësore, nëse paraqesin ndonjë nga simptomat, veçanërisht temperaturë, simptoma respiratore si kollë dhe vështirësi në frymëmarrje apo diarre menjëherë të kontaktojnë 127.
Të gjithë qytetarët rekomandohet që të shmangin daljet në publik dhe të qëndrojnë në shtëpi duke respektuar rregullat e higjenës.
