Dyshime mbi saktësinë e tamponëve janë hedhur në shtete të ndryshme, mirëpo së fundmi SHBA jep një lajm të mirë pasi rregullatorët shëndetësorë amerikanë kanë aprovuar një test për Coronavirusin që do të shpejtojë me 10 herë aftësinë për të testuar pacientët, duke zgjidhur një pengesë serioze në përpjekjet për parandalimin e pandemisë.
Testi i është autorizuar edhe kompanisë zvicerjane Roche Holding dhe raportohet se mund të testojë 4,000 njerëz në ditë, që është i gatshëm edhe në Europë.
“Me këtë po përshpejtojmë 10 shpejtësinë e testimit,” tha kreu i degës së diagnostikës së kompanisë, Thomas Schinecker.
Shpejtësia në testim mund të jetë thelbësor për kufizimin e përhapjes pasi i lejon punonjësve të shëndetësisë të identifikojnë e të izolojnë pacientët edhe kur ata nuk shfaqin simptoma.
Në këtë mënyre reduktohet numrin i të infektuarve dhe i jepet më shumë mundësi shkencëtarëve të krijojnë trajtime më të mira për sëmundjen dhe rrjedhimisht vaksinën kundër saj.
Krijimi i vaksinës do i jepte përfundimisht zgjedhje luftës së vështirë që ka vënë në një kamp të gjitha shtetet e në anën tjetër COVID-19.
Mirëpo, deri tani pavarësisht përpjekjeve të shumta që janë bërë nuk është arritur në një përfundim që do gëzonte të gjithë njerëzit.
Kompania amerikane gati vaksinën kundër Coronavirusit, por nuk del në treg para vitit 2021
Izraelitët një hap para, vaksina kundër Coronavirusit mund të jetë gati shumë shpejt
Në rang botëror deri tani janë shënuar 5,339 viktima dhe janë regjistruar 144,010 të infektuar në 137 shtete.
Në vendin tonë deri tani ka humbur jetën 1 person dhe janë infektuar 33 të tjerë, teksa edhe Kosova ka raportuar 2 rastet e para me COVID-19.
Autoritetet shëndetësore bëjnë thirrje që personat të cilët mund të kenë qenë të ekspozuar ndaj individëve të dyshuar për COVID-19, duhet që të vetëkarantinohen dhe të monitorojnë shëndetin e tyre për 14 ditë, që nga dita e fundit me kontaktin e mundshëm.
Po ashtu, ata duhet të kërkojnë mbikëqyrje të menjëhershme mjekësore, nëse paraqesin ndonjë nga simptomat, veçanërisht temperaturë, simptoma respiratore si kollë dhe vështirësi në frymëmarrje apo diarre menjëherë të kontaktojnë 127.
Të gjithë qytetarët rekomandohet që të shmangin daljet në publik dhe të qëndrojnë në shtëpi duke respektuar rregullat e higjenës.
