Lirimi nga burgu i Endrit Dokles, ish-numrit 2 të bandës së Durrësit, ka vënë në alarm autoritetet më të larta të shtetit shqiptar.
Enkelejda Hoxha ishte gjyqtarja që firmosi lirimin e tij.
Disa ditë më parë ministrja e Drejtësisë, Etilda Gjonaj, kërkoi ndjekje penale për të.(Lexo këtu)
Ndërkohë, gjatë fjalës së tij në prezantimin e paketës ‘Anti-KÇK’, ka sulmuar sërish Hoxhën.
Teksa fliste për masat që do merren ndaj personave të dënuar apo akuzuar për krim të organizuar, foli edhe vendimet abuzive të disa gjyqtarëve konkretisht iu referua rastit të gjyqtares në fjalë.
“Më vjen mirë që arritëm këtë proces historik, që sot tu japim një instrument sic është ligji special, për atë që do donit ta bënit më parë. Ndërkohë që nuk do të vuajmë më nga vendimet e gjykatësve pa tru, pas sy , pa vesh, po vetëm me xhep, që kanë sjell lirime monstrash.
Jemi të vetëdishëm që do duhet të vuajmë akoma, sepse ata janë akoma, dhe jetojnë në tokën e zezë me moton Kap ca të kapësh, por edhe ata do përgjigjen në mos sot, nesër. Sepse siç erdhi koha që të përgjigjen të paprekshmit, do të vijë dhe për ta”, tha Rama.
Më herët, Rama u shpreh me tone të ashpëra edhe ndaj personave të dënuar apo akuzuar për krim të organizuar.
Rama tha se me anë të paketës “Anti KÇK”, kriminelëve do u kthehet jeta në ferr.(Lexo këtu)
