U njoftua për bombë, por çfarë po ndodh në Tiranë? Rrethohet Komuna e Parisit, RENEA dhe FNSH-ja aksione blic

Google+ Pinterest LinkedIn Tumblr +

Komuna e Parisit në Tiranë është blinduar ditën e sotme nga “uniformat blu.”

Forca të shumta policore kanë rrethuar zonën përreth dhe snajperat janë vendosur gjithandej nëpër taraca, duke mos lejuar askënd të kalojë. Fillimisht u dyshua se bëhej fjalë për një alarm për bombë, por të dhënat e fundit, bëjnë me dije se po zhvillohet një operacion për kapjen e një të shumëkërkuari.

Ka zgjatur një orë operacioni i forcave RENEA në Tiranë në zonën e Komunës së Parisit, pas një informacioni të ardhur nga qytetarët se një person i kërkuar dhe i dyshuar si i përfshirë në vrasje, fshihej në një apartament në një prej pallateve të zonës.

Informacioni i mbërritur në polici nga qytetarët, ishte se personi në kërkim, fshihej prej disa javësh në një apartament në katin e fundit të një pallati në zonën e “Komunës së Parisit”. Policia kreu kontroll në katin e fundit të pallatit në fjalë, aty ku flitej se fshihej i kërkuari.

Por pas kontrollit të kryer nga efektivët e RENEA-s dhe agjentët e Krimeve në drejtorinë e Policisë së Tiranës, rezultoi se personi i dyshuar nuk ishte në banesë.

Agjentët kanë mbledhur prova në apartament, ndërsa më tej pritet të mësohen detaje nga Policia e Shtetit përmes komunikatës për mediat.  Sipas burimeve të “shqiptarja.com”  dyshimet janë se kemi të bëjmë me një person që është në kërkim si i përfshirë në vrasje, kjo, edhe për vetë praninë e shtuar të forcave të policisë.

Shpërndaje
Share.

Komento