“U martua që 14 vjeçe, sdinim gjë për Dritanin”, flet halla e Marsidës nga Kavaja

Google+ Pinterest LinkedIn Tumblr +

Një ngjarje e rëndë u regjistrua në orët e para të mëngjesit të sotëm në Kavajë.

Shefi i sigurisë së burgut të Durrësit, Bledar Toçi u plagos gjatë një shkëmbimi zjarri me Dritan Haxhollin, i cili kishte qëlluar më parë me kallashnikov.

E gjithë skena u regjistrua në banesën e Marsida Qatjas, ku brenda ndodheshin edhe tre fëmijët e saj, të cilët po flinin.

Qatja, e cila punonte si parukiere kishte pasur një lidhje dashurie me Haxhollin dhe nuk donte ta vazhdonte më pavarësisht këmbënguljeve të këtij të fundit.

Njëkohësisht ajo kishte të dashur edhe Bledar Toçin.

Halla e Marsidës ka treguar për “News24”, se ajo është martuar që 14 vjeçe me burrin e parë, me të cilin ka edhe dy fëmijë.

Më pas ajo u martua sërish, ku solli në jetë edhe një djalë 2 vjeç.

Halla e saj thotë se nuk kishte dijeni për lidhjen e saj me Dritanin.

“Marsida është martuar 14 vjeçe, me burrin e parë ka 2 fëmijë, ndërsa me burrin e dytë ka një djalë. Ne nuk e dimë që Marsida ka pasur lidhje me Dritanin”, pohoi halla e saj.

Në orët e para të mëngjesit të sotëm, Dritan Haxholli futet me kallash në shtëpinë e Marsidës.

Aty brenda ai gjen Bledar Toçin dhe dy miq të Marsidës.

Ai hapi zjarr me kallashnikov, duke plagosur Toçin.

Ky i fundit nxjerr menjëherë armën e shërbimit dhe e qëllon, duke e lënë të vdekur në vend.

Pak përpara se të ndodhte krimi, Haxholli kishte darkuar me Marsidën.

Ai i kishte kërkuar të kalonin natën bashkë, por ajo e kishte refuzuar me pretekstin se nuk e do më.

Shpërndaje
Share.

Komento