Tre pronarët e kompanive që falsifikonin biletat e autobusëve, u lanë të lirë disa ditë më parë me garanci pasurore nga Gjykata e Shkallës së Parë të Tiranës.
Ndërkohë prokurorët e çështjes kanë kërkuar në Apel kthimin në burg të Ferdinand Ibrahimit, Fatos Vrapit dhe Anastas Ibrahimit, shkruan “Faxweb”.
Kujtojmë këtu se në lidhje me këtë çështje, arrestuan 8 persona, ku vetëm 2 prej tyre u lanënë burg nga Gjykata.
Administratorët e shoqërive të transportit urban, Klodian Qato, Fatos Vrapi dhe Anastas Ibrahimi, u lënë në “Arrest shtëpiak”.
Prokuroria kishte kërkuar burg për 6 prej të arrestuarve, ndërsa për Erisa Vorën dhe Albana Vrapin masë më të lehtë.
Mirëpo gjyqtari Altin Abdiu vendosi që të lironte administratorët me garanci pasurore.
Gjatë dëshmisë përpara gjykatës, Ibrahimi, të cilit iu gjetën 105 mijë bileta false në makinë, tha se ishin të vjetra dhe kishin dalë nga përdorimi.
Nga ana tjetër, akuza pretendoi se biletat futeshin në përdorim dhe administratorët përveçe fitonin nga shitjet, i shmangeshin detyrimeve tatimore.
Shoqëritë e transportit kishin 3 muaj që operonin me biletat e falsifikuara, duke i shkaktuar shtetit një dëm prej 1 miliard lekësh.
