Tronditet Franca/ Mësuesit i pritet koka në rrugë nga prindi i nxënësit mysliman. Ja cili ishte shkaku…  

Google+ Pinterest LinkedIn Tumblr +

Terrorizmi nuk ndalet as nga pandemia e koronavirusit dhe as nga masat e përforcuara në kuadër të karantinës, por është shfaqur dhe ka tronditur këtë pasdite Francën .

Një person i armatosur që thuhet të jetë prindi i një nxënësi është qëlluar për vdekje nga policia franceze pranë Parisit, pasi dyshohet se i preu kokën me thikë një mësuesi të shkollës ku mësonte djali i tij.

Prindi sipas policisë, dyshohej se mbante një jelek shpërthyes, kur u qëllua nga policia.

Ai mendohet se, e vrau mësuesin e shkollës, pasi ky i fundit e kishte zemëruar teksa u kishte treguar nxënësve karikatura të Profetit Muhamed.

Një burim i tha “Le Parisien” se: ‘Viktima kohët e fundit u kishte dhënë mësim studentëve të tij mbi lirinë e shprehjes dhe u kishte treguar karikaturat e Muhamedit’.

Kjo çoi në tërbimin e një prindi që u përball me mësuesin me një thikë kuzhine, për ti prerë më pas kokën,- tha burimi.

Krimi i parë ndodhi të premten pranë një shkolle rreth orës 5 pasdite në Conflans-Sainte-Honorine, rreth 25 milje nga qendra e kryeqytetit francez.

Prokurorët francezë të antiterrorit konfirmuan se po hetonin një sulm në të cilin një burrë u gjet me kokë të prerë në periferi të Parisit.

Presidenti francez Emmanuel Macron, do të vizitojë Conflans-Sainte-Honorine, pas një takimi urgjent në Ministrinë e Brendshme të premten në mbrëmje, njoftoi “BFM TV”.

“Trupi i një njeriu me kokë të prerë u gjet rreth orës 05:30 të pasdites”,- tha një burim hetues.

“Kur arriti policia, personi që mendohej se ishte përgjegjës ishte akoma i pranishëm dhe i kërcënoi ata me armët e tij”.

Vrasësi i paidentifikuar më pas u arratis në qytetin e afërt Eragny-sur-Oise, rreth 2 milje larg, ku ai refuzoi të dorëzohej.

“Ai po tundte në dorë një armë dhe më tej kërcënoi oficerët”,- tha burimi.

“Kjo është kur ai u qëllua për vdekje nga policia. U dëgjuan rreth 10 të shtëna”.

Prokurorët anti-terror filluan menjëherë hetimin e incidentit,- tha burimi,- i cili shtoi më tej se sulmuesi po shihej si një “terrorist i dyshuar”.

Stacioni francez i lajmeve “FranceNews24” informoi që, sulmi kishte të bënte me karikaturat e profetit Muhamed të botuara nga Charlie Hebdo.

Dëshmitarët panë burrin duke prerë kokën e viktimës pa emër – i cili ishte gjithashtu mashkull – në mes të ditës, dhe pranë një shkolle.

Oficerët nxituan në vendin e ngjarjes dhe panë vrasësin duke ikur, drejt Eragny.

Deri në orën 19:00, skena e vrasjes së dyshuar dhe skena ku vetë vrasësi u vra me armë, ishte rrethuar nga policia.

Mësuesi publikoi në klasë karikaturat e Profetit Muhamed, prindi i pret kokën në rrugë

/Burimi: FranceNews24/Përkthu: GazetaReforma.com/

Shpërndaje
Share.

Komento