Ditën e sotme një 30-vjeçar ka humbur jetën tragjikisht në vendin e tij të punës në Tiranë. Policia bën me dije se A. G., 30 vjeç dyshohet se ka rënë aksidentalisht nga lartësia e pallatit ku ishte duke punuar dhe për pasojë ka humbur jetën.
Ngjarja ka ndodhur rreth orës 15:20, te Rruga e Elbasanit. Shkak është bërë mungesa e mjeteve të sigurisë në punë,ndërsa grupi hetimor ndodhet në vendngjarje dhe po punon për zbardhjen e plotë.
Njoftimi i policisë:
Tiranë/Informacion paraprak
Më datë 22.12.2021, rreth orës 15:20, te Rruga e Elbasanit, dyshohet se aksidentalisht ka rënë nga lartësia e pallatit ku ishte duke punuar dhe për pasojë ka ndërruar jetë shtetasi A. G., 30 vjeç.
Grupi hetimor ndodhet në vendngjarje dhe po punon për sqarimin e rrethanave të ngjarjes.
Kujtojmë se “Aksident në punë ose për shkak të punës” është çdo ngjarje e papritur, që shkakton dëmtimin e menjëhershëm trupor, që ndodh gjatë kryerjes së punës apo të një shërbimi lidhur me të, si dhe çdo dëmtim tjetër i shëndetit, që nuk rrjedh nga sëmundje e përgjithshme, por që sjell paaftësi të përkohshme ose të përhershme në punë ose vdekje.
Në rast të një aksidenti në punë ose për shkak të punës, me pasojë vdekje apo dëmtime të rënda masive, punëdhënësi ose personi përgjegjës, i ngarkuar prej tij, pas dhënies së ndihmës së parë, duhet të ruajë provat materiale, për analizën e këtij aksidenti, dhe të lajmërojë, menjëherë, organet e prokurorisë, Inspektoratin Shtetëror të Punës dhe Institutin e Sigurimeve Shoqërore.
