Ditën e sotme Presidenca sulmoi ashpër ndërkombëtarët, duke i quajtur palaço.
Nëpërmjet zëdhënësit të tij, Tedi Blushi, presidenti Ilir Meta reagoi disa herë gjatë ditës së sotme.
Në një prej reagimeve thuhej “Mjaft më me Rule of Embassy, është koha për Rule of law”.
Ndërkohë presidenti Ilir Meta nëpërmjet një postimi në rrjetet sociale, ka bërë me dije, se Blushi është shantazhuar në emër të një ambasade, për shkak të detyrës.
Ai paralajmëroi diplomatët që mund ta kenë bërë një gjë të tillë, duke thënë “Mjerë ata”.
Më tej Kreu i Shtetit bëri me dije, se ka kërkuar hetim të menjëhershëm në lidhje me këtë ngjarje.
Postimi i Ilir Metës
Po, zëdhënësi im, z.Tedi Blushi është shantazhuar në emër të një Ambasade të huaj në Tiranë, që të tërheqë një postim të bërë sot paradite për shkak të detyrës brenda 30 minutash.
Kam kërkuar hetim të menjëhershëm.
Shpresoj të jetë lojë e Rilindjes por mjerë ata diplomatë që mund të kenë kërcënuar Zëdhënësin e Presidentit të Republikës.
