Operacioni Forca e Ligjit (OFL) i ka dërguar së fundmi kërkesën për plotësimin e formularit të deklarimit të pasurisë dy personave, të njohur si për median, ashtu edhe për drejtësinë.
Bëhet fjalë për dy të rinjtë Eljon Hato dhe Ilir Selmani, të cilët janë përfshirë në ngjarje të ndryshme kriminale dhe janë të dënuar për vrasje.
Eljon Hato, njihet nga të gjithë si shoku i Ervis Marinajt dhe ka qenë pjesë e vrasjes së ndodhur në ish-bllok, më 4 tetor të 2018, ku ka mbetur edhe i plagosur.
Po ashtu, Hato rezulton të ketë qenë i përfshirë në ngjarje të rënda kriminale, ku më 12 maj të vitit 2014, pas një sherri banal ka vrarë një bashkëmoshtar.
Nga ana tjetër, Ilir Selmani, ose siç njihet nga të gjithë me pseudonimin “Boksieri”, ka qenë pjesë e klanit ‘Duka’ dhe është shpallur në kërkim nga policia për vrasjen e Santiago Malkos.
Njoftimi i Policisë:
Vijon Operacioni Forca e Ligjit, në bashkëpunim me strukturat vendore të Policisë, në zbatim të detyrave të përcaktuara në Aktin Normativ të datës 31 janar 2020, për dërgimin e kërkesave për vetëdeklarim të pasurisë, personave që janë subjekt i këtij ligji. Në këtë kuadër, OFL u ka dërguar kërkesat për vetëdeklarim të pasurisë, shtetasve: E. H., banues në Lezhë, i dënuar për veprat penale “Vrasja me dashje”, “Plagosja e rëndë me dashje” dhe “Armëmbajtje pa leje”; I. S., banues në Tiranë, i dënuar për veprat penale “Vrasja me paramendim” e kryer në bashkëpunim dhe “Armëmbajtja pa leje”, në kuadër të grupit të strukturuar kriminal.
Brenda 48 orësh, këta individë, si subjekt i Ligjit Special, duhet t’u përgjigjen me shkrim të gjitha pyetjeve të OFL-së. Më pas, përgjigjet e marra do t’i dërgohen SPAK-ut, për veprime të mëtejshme.
Me qëllim evidentimin dhe dërgimin në SPAK, të të gjithë personave që janë subjekt i Ligjit Special, OFL është në veprim të pandërprerë dhe në kryerje të veprimeve komplekse.
Për të gjitha nismat procedurale dhe operacionet ekzekutive që do të kryejë, OFL do të informojë publikun në vijimësi.
Kujtojmë se me miratimin e ligjit ‘Anti-KÇK’, OFL doli në terren me synimin goditjen e pasurive të personave të përfshirë në botën e krimit.
OFL ka dërguar tashmë formularin tek Suel Cela dhe Plarent Dervishaj, Dash Gjoka, Emiljano Hysenaj, Lulzim Berisha, Edlir Hysenaj, Altin Hajri, Ardian Capja, grupi i Dukagjinit, Saimir Taullau, Ben Qimja, Durim Bami, Landi Muharremi, Bardhok Pllanaj, Alberto Lamaj, Dritan Dajtit, Xhevdet Troplinit, Emiljano Shullazit, Gjergj Cukalit, Orges Jahelezi dhe Pajtim Serjanit, Gazmend Mahmutajt, Edison Çobos, Ervis Martinajt, Arben dhe Valentino Kaçorrit Eduard Dushkut, Fatjon Lazes, Kreshnik Budllës, Astrit Avdylajt, Astrit Balliut, Arben Frrokut, Jasin Kalas Durim Keçit, Flamur Hakës , Talo Çelës, Aurel Hoxhallarit dhe Elidon Kotorrit.
- Personave të dyshuar u dërgohet një letër ku u kërkohet të plotësojnë kërkesat e formularit për burimin e pasurisë së tyre brenda 48 orëve.
- Më pas formulari shkon në SPAK dhe hetohet për një periudhë 15 ditore.
- Dhe pas kontrollit të SPAK në Gjykatë, ku do vijnë më pas subjektet për të justifikuar pasurinë.
Policia po bën publike listën ditë pas dite, megjithatë media ka arritur të zbulojë emra të shumtë të cilët priten të goditen së shpejti.
Për më shumë mund të lexoni artikujt e mëposhtëm:
1300 persona në lupën e OFL! Zbardhet lista me emrat e papublikuar që do goditen së shpejti
Publikohen të tjerë emra pjesë e listës së OFL, mes tyre edhe dy gra
Zbardhen emrat e të fortëve të Tiranës! Ja 52 personat që do kalojnë në ‘sitën’ e OFL
