Sterilizimi/ Tensione mes Vokshit dhe Spahiut

Gjatë mbledhjes së Komisionit Hetimor të Sterilizimit, ka shpërthyer një debat mes kryetares Albana Vokshi dhe deputetes socialiste Klodjana Spahiu.

Pritet që sot të dëshmojë biznesmeni Ilir Rrapaj, i cili u shoqërua nga burgu në Kryesinë e Kuvendit për të dhënë dëshminë e tij.

Gjatë fjalës së saj, deputetja Spahiu u shpreh se ky komision po rrezikon të degjenerojë në një platformë për diskutime politike, duke akuzuar anëtarët e opozitës për tentativat e tyre për të kthyer mbledhjet në një përballje politike.

Klodiana Spahiu: Unë i dëgjova me shumë kujdes të gjithë kolegët do të kërkoja pak qetësi që të bëjmë një diskutim jo një fjalim politik, nuk e kisha menduar se një komision hetimor do të degjenerojë deri këtu që anëtarët e opozitës vijnë dhe bëjnë diskutim politik.

Vokshi-Spahiut: Si thua degjenerim për diskutimet me seriozitet të opozitës, po çfarë po thua mi, tërhiqe mbrapsht atë që the, si mund ta thotë një zonjë degjeneruat me diskutimet e tua?!

Spahiu-Vokshit: Asnjë fjalë nga fjala ime nuk tërheq nëse vazhdojmë kështu s’do përfundojmë kurrë këtë komision hetimor.