Deputeti Plarent Ndreca ka shprehur kritika ndaj punës së Komisionit Hetimor, duke e cilësuar atë si një mjet të përdorur për qëllime politike dhe propagandistike, në vend që të sigurojë transparencë ndaj publikut.
Ai theksoi se ky komision ka nxjerrë përfundime të paracaktuara, duke shmangur objektivin e tij kryesor, atë të hetimit të thelluar.
Ndreca u shpreh se komisioni është përdorur për agjenda politike dhe se nuk ka ofruar transparencë, por ka shërbyer si një mjet propagande. “Gjatë gjithë këtij procesi, nuk është bërë asnjëherë transparencë, përkundrazi, keni nxjerrë konkluzione para se të mbaronim punën,” tha ai.
Sipas Ndrecës, komisioni duhet të qëndrojë mbi çështjet e hetimit dhe të mos shpërqendrohet nga akuzat me motive partiake. Ai theksoi se nuk është aty për të mbrojtur askënd dhe kërkoi një qasje të paanshme dhe të ndershme në trajtimin e çështjeve të hetimit.
