Prokuroria e Posaçme Kundër Korrupsionit dhe Krimit të Organizuar ka lexuar pretencën për 8 të pandehur, të cilët po gjykohen me gjykim të shkurtuar në lidhje me çështjen e inceneratorit të Tiranës.
SPAK ka kërkuar dënimet si më poshtë:
• Lefter Koka – 4 vite burg
• Bledar Karoli – 4 vite burg
• Fatjon Murati – 4 vite burg
• Taulant Tushe – 4 vite burg
• Namik Simixhi – 4 vite burg
• Valbona Ballgjini – 2 vite burg, 4 vite shërbim prove
• Sidita Kopliku – 2 vite burg, 4 vite shërbim prove
• Jetmir Llapaj – 2 vite burg
Për shkak të gjykimit të shkurtuar, të gjithë të pandehurve do t’u ulet 1/3 e dënimit.
Gjithashtu, SPAK ka kërkuar si masë dënimi plotësues heqjen e të drejtës së ushtrimit të funksioneve publike për 5 vite.
Ndërkohë, për të pandehurit Etleva Kondi, Alba Thoma, Pëllumb Abeshi dhe Silena Tola, çështja është veçuar dhe do të gjykohet me një procedurë të zakonshme.
Të 12 të pandehurit akuzohen për “Shpërdorim detyre” në bashkëpunim, në lidhje me procedurën e dhënies së koncesionit për ndërtimin e inceneratorit të Tiranës.
Gjatë hetimeve, SPAK ka konstatuar një sërë shkeljesh në këtë proces dhe ka dyshime se ish-funksionarët publikë kanë bashkëpunuar me Klodian Zoton për të përgatitur dokumentacionin e nevojshëm me qëllim sigurimin e koncesionit për rehabilitimin e landfillit dhe ndërtimin e inceneratorit të Tiranës.
