Skandali i zbuluar me kompaninë ‘DH Albania” , e cila ishte kompania që kishte fituar tenderin për ndërtimin e lotit të parë të projektit të ‘Unazës së Madhe,’ ka sjellë para Prokurorisë së Tiranës drejtorin e Autoritetit Rrugor Shqiptar, Afrim Qëndro.
Për këtë çështje janë marrë në pyetje 5 zyrtarë të ARRSH-së deri më tani, ndërsa sot, akuza është duke pyetur drejtorin e këtij institucioni.
Qëndro do të japë shpjegime në lidhje me tenderin e lotit të parë, pasi Prokuroria ka nisur një hetim, ku dyshohet se janë falsifikuar dokumentet e kompanisë fituese.
ARRSH në datën 12 dhjetor të vitit të kaluar ka kallëzuar penalisht kompaninë në Prokurorinë e Tiranës.
Në shkresën drejtuar organit të akuzës nënvizohen dy akuza për “DH Albania”, konkretisht falsifikim i dokumenteve dhe mashtrim.
ARRSH i ka nisur edhe një shkresë Agjencisë së Prokurimit Publik, për të përjashtuar nga tenderat bashkimin e kompanive “BibaX” dhe “DH Albania”.