Kryeministri Edi Rama ndodhet ditën e sotme në Athinë, ku po merr pjesë në forumin ndërkombëtar, për dialog ekonomik dhe politik.
Kjo nismë që prej 2016-ës, synon të identifikojë dhe promovojë interesat e përbashkëta të Bashkimit Europian dhe vendeve arabe.
Shefi i qeverisë shqiptare, tregoi për ‘Euronews’, detaje nga takimi me homologun grek, Kyriakos Mitsotakis, shkruan ‘Shqiptarja.com’.
Rama sqaron, se diskutoi me kryeministrin grek për çështjen e detit dhe të minoritetit.
Përsa i përket marrëveshjes së detit, kryeministri shqiptar u shpreh se dy vendet kanë bërë përparim dhe shpreson në një zgjidhje konsenuale.
Në lidhje me minoritetin grek, numri një i qeverisë shqiptare, është shprehur se vendi ynë i ka respektuar gjithmonë dhe kanë jetuar njësoj si shqiptarët.
Më tej ai shtoi, se qeveria po punon për riformulimin e ligjit ekzistues për pronat.
“Ne kemi punuar për qeverinë e mëparshme për ca kohë dhe kemi bërë përparim të rëndësishëm dhe duhet të vazhdojmë të punojmë me qeverinë e re, duke shpresuar se do të gjendet një zgjidhje konsensuale. Shqipëria është një shembull i ndritshëm i respektit për të gjitha pakicat dhe për grekët, të cilët kanë jetuar atje për shumë vite, në të njëjtat kushte si shqiptarët. Po, kur ka probleme, ato janë të njëjta për të gjithë, jo për një pakicë apo tjetrën. Pra, këto janë marrëzi. Përsa i përket ligjit, ne kemi punuar për një kohë të gjatë për të zgjidhur çështjet e pronave, shumë të komplikuara pas rënies së komunizmit, kur regjimi që lejonte asnjë pronë të rrëzohej dhe shumë gjëra shkuan keq. Ajo që ne po përpiqemi të bëjmë është thjesht të riformulojmë disa nga legjislacionin ekzistues për të mirën e të gjithëve, dhe të luftojmë një sistem korrupsioni që derdh – mund të themi – gjakun e njerëzve për pronat e tyre. Por nuk ka të bëjë vetëm me pakicën Greke, por të gjithë”, u shpreh Rama.
