Kontrollet për të evidentuar rastet e shkelësve të rregullave të qarkullimit po vijojnë.
Mësohet nga Policia Rrugore e Tiranës se numri i shkeljeve që konstatohen në rrugët e kryeqytetit mbetet i lartë.
Gjithashtu edhe rreziku për t’u përfshirë në një ngjarje rrugore është i lartë.
Policia kërkon mirëkuptim dhe bashkëpunim duke e konsideruar sigurinë rrugore si një sfidë të përbashkët.
Njoftimi i Policisë
“Referuar analizave mbi ngjarjet e fundit rrugore dhe konstatimeve të shkeljeve në vazhdimësi, duhet akoma më shumë fokus i policisë dhe jo vetëm, kryesisht mbi respektimin e sinjalizimit rrugor, përdorimin e celularit gjatë drejtimit të mjetit, përparësitë ndaj këmbësorëve etj.
Policia Rrugore kërkon mirëkuptimin tuaj, pasi çdo masë administrative e vendosur, nuk ka për qëllim dëmtimin apo ndëshkimin, por parandalimin e pasojave që mund të vijnë si rezultat i shkeljeve dhe rritjen e sigurisë në rrugët ku udhëtoni ju, familjarët tuaj dhe i gjithë komuniteti. Duke e konsideruar sigurinë rrugore si sfidë të përbashkët, lutemi për bashkëpunimin tuaj.”