Këtë pasdite është shënuar viktima e katërt në bregdetin shqiptar që nga data 1 korrik.Të gjitha vikitmat e deri më tanishme janë të moshës mbi 60 vjeç e sipër, pushues nga vendi ynë dhe nga Kosova.
Viktima e parë u shënua me datë 1 korrik në plazhin e Shëngjinit. Ku një i moshuar 75 vjeçar, pushues nga Kososa u mbyt në ujërat bregdetit Adriatik teksa kishte ardhur për pushime në vendin tonë.. Dyshohet se në momentin që është futur në ujë ka pësuar atak kardiak.
Ndërkohë viktima e dytë është shënuar me datë 3 korrik në plazhin pranë zonës së njohur si “Shkëmbi i Kavajës” në Durrës, ku ndërroi jetë një pushues kosovar, i identifikuar me inicialet J.B., rreth 73 vjeç.Dyshohet se viktima ka pësuar atak kardiak teksa lagej në det ndërkohë katër ditë më parë, kosovari udhëtoi drejt Shqipërisë për të kaluar disa ditë pushime në bregdet dhe fatkeqësisht do të kthehet e pajetë në vendin e tij. Janë ende të paqarta rrethanat në të cilat ka ndodhur ngjarja.
Viktima e tretë është regjistruar mesditën e kësaj të hëne, ku mësohet se është mbytur në Durrës 60-vjeçari. Report Tv mëson se viktima është identifikuar si R.B., 60 vjeç.
“Më datë 06.07.2020, rreth orës 13:00, në lagjen nr.13, Plazh, Durrës, shtetasi kosovar R.B., 60 vjeç, dyshohet se është mbytur duke u larë në det, e për pasojë ka ndërruar jetë. Grupi hetimor ndodhet në vendngjarje dhe po punon për zbardhjen e ngjarjes”, njofton policia.
Dhe viktima e fundit e ditës së sotme është një 60- vjeçare e cila ndërroi jetë në plazhin e Durrësit, ku dhe dyshohet se është mbytur në det. Ngjarja ka ndodhur rreth orës 18:00, në lagjen nr.13, Plazh, Durrës, ku gruaja që ndërroi jetë është me iniciale F.Zh. me banim në Durrës. Sipas policisë, grupi hetimor ndodhet në vendngjarje dhe po punon për zbardhjen e rrethanave.
60-vjeçarja shënon viktimën e 4-t që ka ndërruar jetë gjatë 7 ditëve në plazh, ku 3 prej tyre ishin pushues kosovarë. E moshuara që ndërroi jetë ditën e sotme, dyshohet se është mbytur në të njëjtin vend si viktima e djeshme e identifikuar si R.B., 60 vjeç.