Rritet numri i të prekurve me COVID-19/ Dy raste të reja në Lezhë, dyshohet dhe për një polic në Korçë

Google+ Pinterest LinkedIn Tumblr +

Numri i të infektuarve me COVID-19 në vendin tonë është rritur sërish.

“Dosja.al” ka mësuar, se dy persona nga stafi mjekësor në Lezhë kanë rezultuar pozitiv.

Mësohet se ato janë një infermiere e moshës 35 vjeç dhe një sanitare 55 vjeç.

Për momentin infermierja dhe sanitarja ndodhen në dhomën e izolimit të ngritur në ambientet e spitalit të Lezhës dhe pritet të nisen drejt Infektivit.

Gjithashtu dyshohet se është infektuar nga COVID-19 edhe një polic në qytetin e Korçës.

Ai kishte ardhur nga Greqia 10 ditë më parë dhe tashmë është nisur me ambulancë drejt Tiranës.

Aktualisht numri i të prekurve ne COVID-19 në vendin tonë është 124.

Ditën e djeshme u shënua rritja më e madhe brenda 24 orësh, me 19 raste të reja.

Harta e të prekurve u zgjerua edhe me qytetet e Lezhës, Hasit dhe Beratit.

Në spitalin Infektiv ndodhen 79 persona, dy prej të cilëve në gjendje të rëndë, ndërsa pjesa tjetër janë në gjendje të stabilizuar në pavion.

Një lajm i mirë ndërkohë është shërimi i 10 pacientëve, të cilët rezultuan negativ në të dy testet e kryera.

Autoritetet vijojnë me thirrjet për respektimin e rregullave të higjienës, distancimit social dhe kufizimin e daljeve nga shtëpia.

Shpërndaje
Share.

Komento