Ukraina po bën pothuajse 2 muaj luftë ndaj Rusisë në mbrojtje në vendit. Presidenti i Ukrainës, Volodymyr Zelensky ka deklaruar se nëse ushtria ruse eleminon forcat vendase në Mariupol, kjo do të sillte ndërprerjen e dialogut mes dy vendeve.
Duke iu referuar një qyteze në Kiev e cila është shkatërruar totalisht, Zelensky u shpreh se sulmet në Mariupol do të sillnin 10 herë më shumë pasoja.
“Dua të them se nëse eleminohen ushtarët tanë në Mariupol, do të ndalojmë negociatat me Rusinë” – tha Zelensky në një intervistë për Pravda Neës.
Zelensky shton se Ukraina nuk do të pranojë kurrë të shkëmbejë territore apo forca ushtarake me Rusinë. Më herët, autoritetet ukrainase janë shprehur se ushtarët vendas po bëjnë rezistencë të fortë në Mariupol.
Kujtojmë që Sekretari i Shtetit Antony Blinken u tha aleatëve evropianë se Shtetet e Bashkuara besojnë se lufta ruse në Ukrainë mund të zgjasë deri në fund të vitit 2022. Shumë nga zyrtarët që folën me CNN theksuan se është e vështirë të parashikohet saktësisht se sa kohë mund të vazhdojë lufta, por disa zyrtarë thanë se nuk ka indikacione se qëllimet përfundimtare të presidentit rus Vladimir Putin kanë ndryshuar dhe nuk ka gjasa që ai të ndjekë negociatat diplomatike nëse nuk përballen me disfatë ushtarake.
