Shqipëria është një ndër vendet me normë më të lartë të djemve të lindur, në raport me vajzat.
Të dhënat janë publikuar nga Organizata Botërore e Shëndetësië dhe janë përpunuar nga Our World, shkruan Monitor.
Raporti llogarit numrin e lindjeve të meshkujve për çdo 100 lindje femrash.
Nëse numri i meshkujve të lindur është më i madh se 100, do të thotë se në atë vit, kanë lindur më shumë femra sesa meshkuj.
Në Shqipëri raporti gjinor i lindjeve është më i lartë sesa mesatarja botërore, ku sipas të dhënave, lindin 107 djem për çdo 100 vajza.
Përsa i përket rajonit, Mali i Zi dhe Bosnje Hercegovina kanë një raport prej 106 djemsh të lindur për çdo 100 vajza.
Ndërsa në Maqedoni dhe Serbi lindin 105 djem për çdo 100 vajza.
Ndërkohë vendet me raportin gjinor më të lartë janë, Kina me 115 , Azerbajxhani me 113, India me 111 dhe Pakistani me 109.
Ekspertët i lidhin ngushtë diferencat gjinore në lindje, me abortin selektiv, ku në vendet e sipërpërmendura, ekziston praktika e përzgjedhjes së lindjeve sipas gjinisë.
