Shqipëria praktikisht është duke kaluar në “krizë” sidomos në sektorin e mjekësisë duke qenë se shumë mjekë dhe infermierë janë duke zgjedhur të punojnë jashtë vendit. Ky fakt nuk kishte si t’i shpëtonte dhe kryeministrit Rama, I cili ka drejtuar thirrje të drejtpërdrejta ndaj bluzave të bardha që most a lënë vendin, pasi mund të paguhen 2500 dollarë jashtë vendit, por taksat janë më të larta.
Rama ka lajmëruar se në janar do të futen në punë 300 mjekë të rinj në bazë të meritës dhe të rezultatëve që ata kanë, të cilët do të kontribuojnë edhe jashtë zonave të banimit.
“Kemi ata që derdhin lot krokodili se po na largohen mjekë dhe infermierë. Por Urgjenca sot drejtohet pikërisht nga një mjek i kthyer nga jashtë për të reformuar këtë sistem dhe që është protagonisti kryesor i këtij transformimi”, tha Rama. “Janë 4 mijë infermierë që duan të hyjnë në sistem dhe janë në Shqipëri, jo në Gjermani, janë në portal, por ndryshe ngasa ka ndodhur për 25 vjet, nuk hyn më në punë përmes partisë e parasë, por përmes pikëve të fituara në testimin kombëtar të infermierëve.
Pas janarit do kemi 300 mjekë të rinj specialistë të cilët po ashtu në bazë të meritës dhe rezultateve do të mund të zgjedhin se ku dhe nëse duan të kontribuojnë. Për të gjithë ata që do kontribuojnë në ato zona që janë jashtë zonave të tyre të banimit, do marrin aq sa do merrnin nëse do ta fillonin punën në Gjermani.
Aq marrin të gjithë mjekët që shkojnë jashtë Tiranës për të shërbyer si specialistë. Marrin rrogën si mjekë dhe marrin mbi rrogën 2 mijë deri në 2500 dollarë në muaj. Po të llogarisësh taksat që paguajnë këtu që janë 5 fish më të ulëta, se sa do paguanin në Gjermani ta bëjnë vetë llogarinë se si është më mirë por një gjë është e sigurt se as kemi e as do kemi mungesë mjekësh dhe infermierësh në sistemin tonë shëndetësor”, ka thënë Rama