Avokati Spartak Ngjela ka komentuar së fundmi situatën politike në vend dhe është ndalur tek qeveria “Rama 3”. Ai e ka konsideruar anonim këtë qeveri.
Ngjela i ftuar në emisionin “Kjo Javë”, është shprehur se asnjë nga anëtarët e kabinetit të ri qeveritar nuk është i njohur për opinionin publik.
Ai vazhdon më tej duke thënë se me këtë kabinet të ri qeverisës , Rama sipas tij ka dashur të tregoj se nuk ka dështuar prandaj dhe nuk i ka hequr të gjitha figurat e vjetra. Ngjela ka thënë ndër të tjera se qeveria aktuale jeton me remitacion dhe se Rama sipas tij është një armik i bashkimit kombëtar.
“Qeveria nuk mund të jetë anonime. Nuk ka rëndësi nëse janë gra apo burra. I vetmi njeri që ka pasur karrierë politike është Manja, të tjerët janë kot. Të rinjtë që i solli i solli me të njëjtin motiv, ka frikë. Me këto emërime Rama ka dashur të tregojë se nuk ka dështuar sepse fitoi zgjedhjet. Nuk mund t’i hiqte të gjithë. Ata janë të panjohur për opinion publik. Nuk dihet se çfarë përfaqësojnë gratë. Qeveria aktuale jeton me remitanca. Deri sa filloi Covid remitanca ka qenë 3 miliardë euro. Rama është një armik i bashkimit kombëtar. Kjo duket në sjelljen e tij me Albin Kurtin. Interesi i madh i bashkimit është në Shqipëri”- tha Ngjela.
Ndër të tjera Ngjela ka komentuar edhe programin ekonomik të prezantuar nga kryeministri Edi Rama dhe thotë se ai program përmbanh vetëm broçkulla dhe jo reformat e vërteta për të cilat vendi ka nevojë.
“Shqipëria ka nevojë për 3 reforma. Asnjëra prej tyre nuk ishte në program. Reforma insituticionale, reforma në treg dhe reforma në strukturën administrative. Ku e ka ligjin për pushtetin vendor? Ekspertiza perëndimore i kërkon 4 rajone të mëdha. Ku i ka? Ka vetëm bashki. Duhen vetëm 4 rajone siç i kanë ndarë ata që të bashkohet me Kosovën pa problem. I kanë kërkuar rajone të nivelit të lartë. Pse? E duan me parlament vendor dhe Këshill Ekzekutiv. Ka këto 3 reforma dhe dhe asgjë. Do bëjmë rrugë e këto. Broçkulla. Shqipëria ka nevojë për rritje rrogash. Nuk mund ta rrisësh rrogën 25 euro. Është turp. Rama nuk ka kapacitet profesional me bëre një program për shtetin”- tha ai.
