Një person është arrestuar nga policia, pasi qëlloi me armë në ajër.
Në pranga ka rënë një 21-vjeçar me iniciale K.V.
Ky i fundit qëlloi me armë zjarri në ajër disa herë, në lagjen Nr.5 në Laç .
Në cilësinë e provës materiale, policia sekuestroi 1 armë zjarri automatik dhe 5 fishekë.
Materialet proceduriale i kaluan Prokurorisë së Kurbinit për veprime të mëtejshme.
Njoftimi i policisë
Kurbin
Qëllon me armë zjarri në ajër, arrestohet në flagrancë nga Policia.
Sekuestrohet një armë zjarri dhe një krehër me 5 fishekë.
Specialistët e Seksionit për Hetimin e Krimeve në Komisariatin e Policisë Kurbin bënë arrestimin në flagrancë të shtetasit:
- V., 21 vjeç ,banues në Laç, Kurbin.
Ky shtetas, në lagjen nr. 5, Laç, Kurbin, ka qëlluar me armë zjarri në ajër disa herë.
Gjatë kontrollit të ushtruar në banesë u gjetën 1 armë zjarri automatik P.M.SH dhe 5 fishekë.
Materialet procedurale i kaluan Prokurorisë së Rrethit Gjyqësor Kurbin, për veprime të mëtejshme, për veprën penale “Mbajtja pa leje e armëve luftarake dhe municionit”.
