Dy persona janë arrestuar mëngjesin e sotëm nga policia në zonën e Astirit, në Tiranë. Të arrestuarit janë baba e bir.
Dy netë më parë ata kanë sulmuar me gurë policinë, pasi tensione ka pasur sërish në lidhje me projektin e Unazës së Madhe.
Në kërkim nga policia janë edhe gjashtë persona, pasi akuzohen për dhunë ndaj efektivëve të policisë. Të arrestuarit janë Edi dhe Maliq Ferati.
Edhe ditën e djeshme ka pasur tensione në Astir, ku banorët që janë prekur nga ndërtimi i këtij projekti, kanë bllokuar qarkullimin e mjeteve dhe kanë sulmuar me hunj dhe gurë edhe forcat e policisë, në formë kundërshtimi.
Banorët e Unazës së Madhe prej disa muajsh janë në protestë, për të kundërshtuar ndërtimin e projektit, i cili do të prishë shtëpitë e bizneset e tyre.
