Protesta e studentëve vazhdon si para Ministrisë së Arsimit ashtu edhe para kryeministrisë, ku shumë qytetarë iu janë bashkuar duke dhënë ndihmën e tyre në ushqime, ujë dhe batanije.
Studentët kanë folur për emisionin ‘Dritare me Rudinën’ ku kanë pohuar edhe një herë se nuk kanë për të lëvizur derisa kërkesat e tyre të plotësohen.
“Nuk lëvizim nga Kryeministria. Do rrimë këtu. Po rrimë tek sheshi i fjalës së lirë, do presim Ramën. Ndaj erdhëm këtu. Pas emisionit presim që të vijë Rama. Nuk lëvizim prej këtu deri sa të marrim përgjigjen përfundimtare. Qytetarët u sensibilizuan me ne dhe siç e shikoni ne jemi pajisur me ushqime dhe batanije. Na kanë sjellë edhe ujë”, tha studenti.