Apeli për Krimet e Rënda ka shtyrë për herë të 16-të, seancën gjyqësore ndaj Emiljano Shullazit dhe bashkëpunëtorëve të tij, Gilmando Dani, Endrit Qyqja, Blerim Shullazi dhe Endrit Zela.
Të pestë akuzohen për gjobvënie dhe kërcënime.
Shkak për shtyrjen e procesit, është bërë mungesa e dy avokatëve, me pretendimin se kishin probleme shëndetësore, shkruan BIRN.
Që në hyrje të seancës, gjyqtarja Albana Boksi, lexoi një deklaratë të depozituar nga Shullazi, i cili do të përfaqësohej nga avokati i tij, Vladimir Meçe.
Si ky i fundit ashtu edhe avokati Elton Domi, kanë paraqitur pranë Gjykatës së Apelit për Krimet e Rënda, një raport mjekësor, ndërsa kanë kërkuar edhe shtyrjen e procesit.
Në sallë të pranishëm ishin 4 bashkëpunëtorët e Shullazit, avokati i Gilmando Danit, Denion Bogdani dhe ai i Blerim Shullazit, Bledar Meminaj.
Nisur nga kjo situatë, prokurori i Apelit për Krimet e Rënda, pasi i cilësoi të arsyeshme mungesat e avokatëve, u shpreh se pa mbrojtjen e të pandehurve, seanca nuk mund të vijojë.
Më tej ai kërkoi pezullimin e afateve të paraburgimit, për të pandehurit.
Avokatët e pranishëm kundërshtuan kërkesën e prokurorisë për të pezulluar afatet e paraburgimit, por gjyqtarja Albana Boksi e pranoi.
Seanca ndaj Shullazit dhe grupit të tij, u shty për në datën 23 shtator, ora 11:00.
