Ditën e sotme ka nisur punën tryeza e OSBE për reformën zgjedhore.
I pranishëm në punimet e kësaj tryeze ishte edhe sekretari për Çështjet Zgjedhore në PD, Ivi Kaso.
Ky i fundit u largua pak momente më parë, pasi referoi fjalimin e tij.
Siç raporton “Dosja.al”, pas largimit të tij, ka reaguar deputetja Rudina Hajdari.
“Më mirë që ikën, ç’i do këtu”, mësohet të ketë thënë Hajdari.
Reforma zgjedhore është një nga prioritetet e forta të BE-së në Shqipëri, pas miratimit të reformës në drejtësi.
Kujtojmë se mbledhja e sotme nisi me tensione, pasi pati një përplasje mes deputetëve Damian Gjiknuri dhe Kujtim Gjuzi.
