Liderë shtetesh, ministra dhe zyrtarë nga gati 200 shtete të botës do të mblidhen sot në Azerbajxhan për të ndjekur punimet e Konferencës së Kombeve të Bashkuara për Ndryshimet Klimatike.
Fokus i konferencës dyjavore do të jetë parandalimi i ngrohjes globale dhe pasojat vdekjeprurëse që ajo ka shkaktuar, si dhe përkushtimet financiare për shtetet e varfra, të cilat janë goditur nga valët e të nxehtit, stuhitë dhe vërshimet, pasojë e ndryshimeve klimatike.
Shtetet në zhvillim, bashkë me organizatat mjedisore, presin nga vendet e pasura që të rrisin angazhimet e tyre financiare, duke ndarë të paktën 1 trilion dollarë në vit – dhjetë herë më shumë se premtimi aktual prej 100 miliardë dollarësh. Për të financuar këtë rritje, aktivistët për klimën propozojnë rritjen e taksave për të pasurit dhe vendosjen e taksave shtesë për nxjerrjen e qymyrit, naftës dhe gazit.
Mukhtar Babayev sapo është zgjedhur president i COP29, që do të thotë se ai tani është përgjegjës për të siguruar një marrëveshje në dy javët e ardhshme.
“Ne jemi në rrugën e shkatërrimit”, i thotë Babajev dhomës, duke renditur shembuj të ndikimeve klimatike në mbarë botën, duke thënë se “këto nuk janë probleme të së ardhmes”.
“Njerëzit po vdesin në errësirë”, por ata kanë nevojë për më shumë se dhembshuri , thotë ai.
