Në kushtet e mbijetesës, familjet e varfëra harxhojnë 75% të buxhetit për ushqime dhe faturat mujore

Google+ Pinterest LinkedIn Tumblr +

Familjet e varfëra në Shqipëri janë në kushtet e mbijetesës, pasi pjesën më të madhe të të ardhurave, i përdorin për ushqim, si dhe për të paguar faturat e dritave dhe të ujit.

Ndërsa për arsimim këto familje investojnë gati 0 lekë, shkruan “Monitor”.

Bazuar në anketën e buxhetit të familjeve për 2018-ën, rezulton se shtresa më e varfër harxhon vetëm 0.2% të të ardhruave për t’u arsimuar, që llogaritet 15 herë më pak se mesatarja kombëtare, e cila është 3%.

Vitin e kaluar, familjet e varfëra shpenzuan 53.3% të buxhetit mujor për blerjen e ushqimeve, ndërsa 22.7% tjetër, për të paguar faturat e ujit, dritave dhe mirëmbajtjen e banesës.

Përsa i përket shendetit, argëtimit, komunikimit apo transportit, këto familje harxhojnë shumë pak.

Ndërkohë familjet me shpenzime të larta, kanë një konsum 1.7 herë më shumë se 90% tjetër.

Në Shqipëri për 2018-ën, shpenzimet mesatare për konsum, janë ulur me 19.6%, për familjet, që futen te 10% i pasur.

Ndërkohë familjet me shpenzime mesatare, kanë rritur konsumin me 9.5% krahasuar me një vit më parë.

Shpërndaje
Share.

Komento