Ndërkohë që prej ditës së djeshme flitej se ministrja e Arsimit, Lindita Nikolla të jepte dorëheqjen, një gjë e tillë u përgënjeshtrua nga vetë ajo.
Në daljen e saj publike në seancën e sotme parlamentare, Lindia foli publikisht lidhur me protestën dhe pozicionin e saj për protestën që vijon sot për të nëntë ditë radhazi.
Fjalia që mbeti në mendja ishte ajo që mbylli fjalimin e ministries, se do të mbajë çdo përgjegjësi, por pa treguar mënyrën sesi do ta bëjë një gjë të tillë.
Në këto 5 vite mbyllëm 22 Universitete dhe hoqëm nga tregu dhjetëra dhe mijëra diploma pa vlerë. Por koha do të flasë. Akredituam ndërkombëtarësisht për herë të parë të gjitha institucionet e arsimit të lartë në vend.
Studentët kanë të drejtë. A është problemi i arsimit tonë të lartë çmimi i dijes apo vetë cilësia me të cilën dija jepet? Ligji i ri ka krijuar kushte për një erë të re në arsimin e lartë, por ligji duhet zbatuar dhe kërkon kohë. Sot me studentët në protestë gjithkush ka të drejtë të tregojë gishtin, askush ndoshta nuk do të dëshironte të ishte në vendin tim.
“Lindita Nikolla dil Nga Ministra, të kanë ardhur studentët dhe jo ushtria” . Unë dola dhe dal nga Ministria se nuk e kam hiç të vështirë . Kam punuar çdo ditë sikur të jetë e fundit për të mos turpëruar askënd që besoi te unë.
Do kishte qenë shumë më e lehtë nëse do të administronim ato çfarë gjetëm.
Do kishte qenë më e lehtë dhe për ndrikull Nikollën herë me diplomë Kristali dhe herë me mesatare hyrëse apo dalëse nga Universiteti sipas qejfit.
Lëre pastaj për luksin e çantave çdo kishte qenë. Do kisha shpëtuar unë e gjora nëse do kishin administruam atë çfarë gjetëm nga memet, fotot e montuara dhe gënjeshtrat deri në 32 vite e kusur përpara të jetës sime.
Zgjodha të jem në krye të një reforme sistemike në arsim nga koshti në Universitet.
E vërteta dhe puna kanë qenë aleati më i mirë për t’iu vënë dhe turravrapit në një listë gënjeshtarë dhe shpifarakë, por koha do të flasë.
Studentët kanë të drejtë, por ftesa për të zhvilluar dhe një betejë më të vështirë është drejt tyre sot. Ajo që tejkalon veten duke parë vetëm të vërtetën në sy përmes një dialogu për të transformuar cilësisht Universitetet tona.
Unë jam e gatshme për të marrë çdo përgjegjësi.
Ditën e djeshme burime për mediat konfirmuan se Nikolla do të jepte dorëheqjen nga pozicioni i saj në krye të Ministrisë së Arsimit, por duket se është tërhequr nga ky vendim.
Ndërkohë që nga ora 10:00 e kësaj të enjteje, mijëra studentë kanë pushtuar të gjithë zonën para Parlamentit, duke vijuar për të nëntë ditë protesta.
8 kërkesat e studentëve:
1.Rritja e buxhetit në 5% e GDB me qëllim mundësimin e përgjysmimit të tarifës së studimit për çdo nivel studimi, përmirësim e mësimdhënies dhe infrastrukturës (universitete dhe konvikte).
2.Transparence me buxhetin nga ministria e Arsimit dhe IAL-ve, publikimi të gjitha shpenzimeve online
3.Rritja nga 10% në 50% e peshës totale të votës së studentëve për të zgjedhur kandidatët për dekanë, rektorë dhe cdo fakultet të ketë një përfaqësues të studentëve në senatin akademik.
4.Rishikimi i titujve akademikë dhe verifikimi i plagjiaturave të doktoraturave dhe teksteve mësimore.
5.Mbështetur në nenin 99 mbi Këshillat Studentore, ligji i arsimit të lartë, pika 2 kërkojmë që bordi i administrimit të IAL-eve të ketë numër të barabartë votash si nga MAS dhe IAL-t si edhe të shtohet një përfaqësues në këtë bord nga studentët.
6.Pajisja e të gjithë studentëve me kartën e studentit brenda vitit akademik 2018-19
7.Ndërtimi i bibliotekave me standarde europiane dhe me libër universitar online, falas për studentët në gjuhën shqipe.
8.Vlerësimi i performancës në mësimdhënie dhe kërkim shkencor i pedagogut, publikimi i tij online dhe regjistrimi i leksioneve.
