Forumi Ekonomik i Vjenës ka propozuar një mega-projekt për ndërtimin e linjave hekurudhore të shpejta në të gjithë Evropën. Fatmirësisht, pjesë e këtij projekti të rëndësisë së veçantë janë bërë edhe Shqipëria e Kosova.
Janë katër linja kryesore që propozohen, të cilat kanë disa degëzime kryesore:
- 1. Berlin, Çeki, Austri
- Berlin, Çeki, Austri, Kroaci, Bosnje-Hercegovinë, Mali Zi, Shqipëri
- Berlin, Çeki, Austri (ose Sllovaki), Hungari, Rumani, Bullgari
- Shqipëri, Kosovë, Serbi, Bullgari
- Bullgari, Maqedoni e Veriut, Greqi dhe Qipro
- Belgjikë, Gjermani, Lihtenshtajn, Itali, Maltë
- Paris, Irlandë (Shmanget Britania e Madhe)
- Portugali, Spanjë, Francë, Belgjikë, Hollandë, Gjermani
- Gjermani, Danimarkë, Suedi, Finlandë
- Gjermani, Poloni, Lituani, Letoni, Estoni, Finalndë
Në qendër të projektit është linja e 4, që lidh gadishullin Iberik me vendet balltike dhe nëpërmjet tij do të lidhen me njëra-tjetrën edhe tre linjat e tjera.
Shqipëria
Vendi ynë nuk ka një rrjet hekurudhor funksional dhe ky është rasti i vetëm në Evropë. Megjithatë, nëse ky projekt i Bashkimit Evropian realizohet, Shqipëria do të bëhet pjesë e linjave hekurudhore të shpejta, që arrijnë deri në 250-300 km/h.
Në pjesën shqiptare hekurudha futet nga Mali i Zi në Shkodër, për të zbritur në Lezhë dhe përmes rrugës së Kombit arrin në Kosovë, për të vijuar deri në Bullgari.
304 kilometra parashikohet të jetë rrjeti i hekurudhës në Shqipëri me një kosto që arrin në 7 miliardë euro.