Gazetari gjerman Michael Martens, një zë i njohur i “Frankfurter Allgemeine Zeitung” dhe njohës i zhvillimeve në Ballkanin Perëndimor, ka hedhur poshtë narrativën e kryeministrit Edi Rama lidhur me integrimin evropian të Shqipërisë, duke e cilësuar atë si një mashtrim elektoral.
Në një postim në rrjetin social X, Martens kujton se në marrëveshjen e re të koalicionit qeverisës në Gjermani është artikuluar qartë se nuk do të ketë zgjerim të Bashkimit Evropian me anëtarë të rinj, pa u realizuar më parë një reformë e thellë brenda vetë BE-së. Sipas tij, ky qëndrim përjashton hapur anëtarësimin e plotë të vendeve si Shqipëria në të ardhmen e afërt.
Martens shton se kjo mund të shihet si një lajm pozitiv për Ballkanin Perëndimor, për aq kohë sa rajoni reflekton dhe nxjerr mësimet e duhura nga ky realitet politik. Në një koment thumbues ndaj Edi Ramës, ai e quan atë “Pashiqin e shqiptarëve”, duke e krahasuar me liderin serb që përdorte retorikë mashtruese për interesa personale politike.
The new German government has effectively spoken out against EU enlargement—i.e., against the admission of new full members—in its coalition agreement. This could actually be good news for the Western Balkans – if the right conclusions are drawn from it. pic.twitter.com/L9o8lOuX7g
— Michael Martens (@Andric1961) April 14, 2025
