Koronavirusi në Itali/ Në Napoli kanë mbaruar shtretërit, krematoriumet nuk përballojnë dot numrin e viktimave

Google+ Pinterest LinkedIn Tumblr +

Italia po kalon momente dramatike për shkak të koronavirusit.

Në shtetin fqinj bilanci i COVID-19 është 59,138 raste, nga të cilët 5476 janë viktima, ku në mesin e tyre janë 21 mjekë.

Ndërkohë në mesin e të infektuarve numërohen 4824 mjekë, infermierë dhe punëtorë të shërbimit sanitar.

Gjatë 24 orëve të fundit, janë identifikuar rreth 4 mijë raste të reja, ku kryeson rajoni i Lombardisë me 1700.

Sipas mediave italiane, vetëm gjatë ditës së djeshme, në Lombardi janë testuar 70 mijë persona.

Përtej numrit të lartë të viktimave, Italia po përballet edhe me mungesën e shtretërve dhe burimeve njerëzore.

Dy spitale në Napoli tashmë janë të mbushura plot dhe nuk ka më shtretër të lirë.

Mediat italiane raportojnë, se krematoriumet gjithashtu nuk po përballojnë dot fluksin e viktimave.

Krematoriumi i Piacenzas mund të përballojë 12 deri në 13 kufoma në ditë, ndërsa numri i arkivole që shkon aty është 20-25.

Koronavirusi i ka dhënë gjithashtu një goditje të madhe ekonomisë italiane.

Me urdhër të kryeministrit Giuseppe Conte, është mbyllur një pjesë e mirë e fabrikave.

Për të lehtësuar dëmet ekonomike, qeveria italiane ka miratuar dekretin “Cura Italia”, ku 25 miliardë euro, do të shkojnë në ndihmë të biznesit dhe familjeve në nevojë.

Shpërndaje
Share.

Komento