Dy mutacione të reja të koronavirusit të zbuluara në Atikë kanë shkaktuar shqetësim të madh. Sipas mediave greke, dy llojet e reja të mutuara u identifikuan nga Instituti për Kërkime Biomjekësore të Akademisë së Athinës.
Një rast është një variant i llojit britanik dhe i dyti ka të njëjtin mutacion si ai që gjendet në llojet e Afrikës së Jugut dhe Brazilit. Ky mutacion i dytë, i cili është i lidhur me variante në Afrikën e Jugut dhe Brazil, është më shqetësues për shkencëtarët, pasi duket se e bën virusin më rezistent ndaj vaksinës. Ndjekja e dy rasteve është ende në proces nga institutcionet shëndetësore në Greqi.
Sakaq numri i të infektuarve vijon të rritet çdo ditë edhe mē shumë pasi në 24 orët e fundit në Greqi janë shënuar 2301 raste të reja me COVID-19, prej të cilave 1153 raste në Atikë, 288 në Athinë, 247 në Salanik dhe 199 në Pire.
Ndërkohë mediat greke kanë njoftuar se vetëm në 24 orët e fundit kanë ndërruar jetë 41 pacientë të prekur me COVID, duke e çuar në këtë mënyrë numrin e viktimave që prej fillimit të pandemisë në 6705. Aktualisht në intubim po trajtohen 452 pacientë, nga të cilët 69.5% janë burra, ndërkohë që mosha mesatare e tyre është 68 –vjeç.