Mbrëmjen e datës 10 prill kancelari i Gjykatës së Elbasanit, Ledio Sulkuqi 51-vjeç u dhunua barbarisht.
Pas 48 orë hetimi intensiv policia dhe prokuroria e Elbasanit kanë zbardhur ngjarjen e rëndë të ndodhur në lagjen “Kala” në qytetin e Elbasanit.
Nga provat e shumta të grumbulluara si edhe nga shqyrtimi i pamjeve filmike të siguruara nga kamerat e sigurisë janë identifikuar edhe dy autorët e dyshuar të përfshirë në dhunimin dhe plagosjen me mjete të forta të 51-vjeçarit, raporton Ballkan Web.
Sulkuqi punon si Kancelar në Gjykatën e Rrethit Gjyqësor të Elbasanit që nga viti 2014. Ai u gjet në gjendje kome dhe me plagë në kokë e fytyrë nga kalimtarët rreth orës 22:30 të mbrëmjes së dielës në rrugicën pranë shtëpisë së tij.
Ngjarja ka ndodhur paranë Drejtorisë së Policisë së Elbasanit, në një nga rrugicat ku banonte Sulkuqi.
Theksojmë se disa persona janë shoqëruar për t’u pyetur rreth kësaj ngjarje. Që në momentin e raportimit të ngjarjes, policia ka vijuar hetimet vijojnë dhe po punohet për kapjen e autorëve. Ndërsa kancelari i gjykatës u dërgua në spitalin rajonal në Elbasan dhe ndodhet jashtë rrezikut për jetën. Ende nuk dihet se cilat kanë qenë motivet e ngjarjes, që Sulkuqi është dhunuar dhe goditur disa herë me mjete të forta dhe levë.
Kujtojmë që pas dhunimit barbar të Sulkut, njollat e gjakut “pushtuan” rrugicën ku u krye akti i dhunimit.
