Haradinaj refuzon të takohet me Ramën:S’ka logjikë të takohet i padituri me paditësin

Google+ Pinterest LinkedIn Tumblr +

Kryetari i Aleancës për Ardhmërinë e Kosovës, Ramush Haradinaj ka refuzuar takimin me kryeministrin Edi Rama, i cili ndodhet për një vizitë në Prishtinë.

Ka qenë vet Haradianaj që ka treguar se pse ka refuzuar takimin kokë më kokë me liderin shqiptar, ndërsa theksoi se nuk do të kishte logjikë që ata të takoheshin, në një kohë kur Rama e ka paditur në gjykatë.

“Është e pamundur me u takua i padituri me paditësin. Kjo s’ka kurrfarë logjike. Nuk ndihem mirë që si i paditur të takohem me askënd e as me zotin Edi Rama”, tha Haradinaj në Debat Plus, në Kosovë.

Haradinaj thotë se me Ramën tashmë ka një konflikt ligjor në aspektin paditës dhe i paditur.

“Nuk kam mundësi që në këtë rast të bëjë lëshime”, deklaroi ndër të tjera Ramush Haradinaj.

Në ditën e dytë vizitës në Prishtinë kryeministri Rama do të zhvillojë këto takime:

Në orën 9:00 me Isa Mustafën. Në orën 11:00 Ramush Haradinaj. Në orën 12:00 Begjet Pacollin. Në orën 13:00 Shpend Ahmetin. Në orën 14:00 kryeministri Rama do të zhvillojë një konferencë për mediat nga Prishtina.

Ndërkohë ditën e sotme Rama i nisi takimet me kreun e Nismës socialdemokrate, Fatmir Limajn, për të vijuar me kryeministrin e Kosovës, Avdullah Hotin dhe më pas Presidentin Hashim Thaçin, ndërsa ka pranuar ftesën të darkojë në një nga restorantet e Prishtinës me Kadri Veselin dhe Hashim Thaçin.

Shpërndaje
Share.

Komento