Furgoni i burgjeve në Tepelenë u përfshi në një aksident ditën e djeshme pranë fshatit Qesarat.
Si pasojë e përplasjes me një mjet tip “Benz”, furgoni përfundoi në një byrektore në anë të rrugës.
Specialistët e qarkullimit rrugor ndërkohë arrestuan në flagrancë drejtuesin e furgonit, 56-vjeçarin H.H.
Gjithashtu u referuan materialet në prokurori për drejtuesin e makinës, S.Sh., 60 vjeç, banues në Memaliaj.
Sipas të dhënave, furgoni i burgjeve që u aksidentua ditën e djeshme, po transportonte dy të paraburgosur nga Tirana për në Sarandë.
