Një 55-vjeçar nga Elbasani është shpallur në kërkim nga policia pasi ka thyer masën e sigurisë “arrest në shtëpi”, të vendosur ndaj tij për dhunë në familje.
Sipas kallëzimit të bërë pranë autoriteteve, ai dyshohet se ka tentuar të përdhunojë një vajzë 25-vjeçare, e cila është fqinje me të.
Policia ka nisur hetimet për rastin, ndërsa materialet procedurale i janë referuar Prokurorisë së Elbasanit.
Forcat e rendit po vijojnë punën për lokalizimin dhe ndalimin e të dyshuarit, si dhe për zbardhjen e plotë të ngjarjes.
Sipas njoftimit zyrtar, bëhet fjalë për shtetasin I. F., 55 vjeç, i cili akuzohet për thyerje të masës së sigurisë dhe tentativë për marrëdhënie seksuale me dhunë.
