Policia ka arrestuar një 25-vjeçar, banues në fshatin Jagodin në Elbasan.
Ky i fundit përplasi me mjetin e tij tip “Audi” një motorçikletë, me të cilën udhëtonin dy persona.
Si pasojë e aksidentit, humbën jetën shoferi dhe pasagjeri i motorit.
Gjithashtu janë arrestuar edhe dy persona të tjerë, të cilët u kapën duke drejtuar mjetin në gjendje të dehur.
Materialet proceduriale i kaluan Prokurorisë pranë Gjykatës së Parë të Elbasanit.
Njoftimi i policisë:
Specialistët e Qarkullimit Rrugor në DVP Elbasan, në përfundim të veprimeve të para hetimore arrestuan në flagrancë shtetasin: A.Sh., 25 vjeç, banues në fshatin Jagodin, Elbasan.
Arrestimi i tij u bë pasi duke drejtuar mjetin tip “Audi”, në aksin rrugor Elbasan- Cërrik, në fshatin Shirgjan, Elbasan, është përplasur me motoçikletën, dhe për pasojë kanë humbur jetën drejtuesi i motoçikletës shtetasi E.D., 35 vjeç, dhe pasagjeri i motoçikletës shtetasi F.Q., 56 vjeç, banues në fshatin Shirgjan, Elbasan.
Po nga specialistët e Qarkullimit Rrugor në DVP Elbasan, u arrestuan në flagrancë shtetasit:
J.T., 28 vjeç, banues në fshatin Shirgjan, Elbasan dhe L.T., 33 vjeç, banues në Elbasan, pasi janë kapur nga shërbimet e Policisë Rrugore, duke drejtuar mjetet në gjendje të dehur.
Materialet hetimore i kaluan Prokurorisë pranë Gjykatës së Shkallës Parë Elbasan, për veprime të mëtejshme.
