9 rastet e reja dje në Fier kanë bërë që Ministria e Shëndetësisë të shtojë dezinfektimet në terren.
Për 15 ditë të plota pallate, godina shtetërore e private, do t’i nënshtrohen këtij procesi. Mësohet se një ditë me parë pozitiv ka rezultuar një biznesmen i suksesshëm me banim në Fier, i cili gëzon shëndet të qëndrueshëm.
Pjesa tjetër e rasteve pozitive ditën e djeshme kanë qenë një grua shtëpiake, tre anëtarë të një familjë, një vatër e re në Dukas të Patosit, si dhe disa kontakte të rasteve të mëparshëm të cilët rezultuan pozitiv me Covid në Kadastër dhe zyrat e Adisa.
Mësohet se gjatë ditës së djeshme janë marrë një numër i konsiderueshëm tamponësh në një kompani private, kontakte këto të një rasti pozitiv, ndërsa pritet përgjigja e rezultatit të tyre. Pjesa më e madhe e rasteve pozitive janë duke u ndjekur në mënyre ambulatore nga mjekët e familjes dhe ata specialiste.
