Shqipëria dhe Maqedonia e Veriut morën një përgjigje negative për hapjen e negociatave me BE-në.
Ishte presidenti i Francës, Emanuel Macron, i cili këmbënguli që dy vendet nuk janë ende gati.
Ai gjithashtu kërkoi një reformim të BE-së, përpara se të ketë një zgjerim të ri. Së bashku me Francën, shtetet e tjera që i thanë jo Shqipërisë, ishin edhe Holanda me Danimarkën.
Pavarësisht përpjekjes së Gjermanisë dhe shteteve të tjera, Franca nuk u lëkund nga qëndrimi i saj deri në fund.
Ndërkohë Brukseli ka publikuar edhe dokumentin zyrtar, për rikthimin e bisedimeve për anëtarësim, që do të ndodhë përpara samitit të Zagrebit në maj të 2020-ës.
Vendimi i Macron u kritikua nga shumë figura të rëndësishm të politikës evropiane, si presidentët e Komisionit Europian dhe Këshillit Europian, Jean Claude Juncker dhe Donald Tusk.
Shumë prej liderëve të BE, e quajtën vendimin për Shqipërinë dhe Maqedoninë e Veriut, një gabim historik.
